Կար աշխարհում մի աղջիկ: Նա սև մազերով գեղեցիկ մի աղջիկ էր: Երբ նա ծնվեց, սև մազերի պատճառով ծնողները նրա անունը դրեցին Անի սևահեր: Անի սևահերը մի օր քայլում էր անտառում, մեկ էլ հանդիպեց մի արջի, բայց այդ արջը նման չէր սովորական արջի : Նա ուներ 10 ոտք, 5 քիթ, 6 աչք, 8 ունք: Աղջիկը նրան տեսնելով զարմացավ, թե ինչպես կարող է այդպիսի արջ գոյություն ունենալ:
-Լավ. ասաց աղջիկը.- ես Անի Սևահերն եմ, իսկ քո անունն ի՞նչ է:
-Աաա..,-կմկմաց արջը:
-Դե՞
-Իմ անունը Ալիկ է, իսկ դու ի՞նչ ես անում այստեղ, դու չգիտես՝ որ սա անիծված անտառ է:
-Ի՞նչ, անիծված անտա՞ռ.-ծիծաղելով ասաց Անին:
Բայց Անին դեռ չգիտեր, որ այդ անտառը իսկապես կախարդական էր: Եվ մի օր երբ Անին վերադարձավ տուն, մայրը ասաց.
-Դու արդեն մեծ ես և պետք է առանձին ապրես:
Անին գնաց, շրջեց քաղաքով և հասավ մի երկիր, անունը Կենդանիների թագավորություն էր:
-Օ՜, բարև, աղվես, այս ի՞նչ երկիր է:
-Սա մեր թագավորությունն է:
Անին շրջեց այդ երկրով, նրան շատ դուր եկավ: Եվ նա այնտեղ ունեցավ շատ ընկերներ, նաև իր համար կառուցեց տուն և ապրեց Կենդանիների թագավորությունում: